Gettó bræður

jæja hef nú ákveðið að fljóta með tískustraumnum...

Wed, 07 Feb 2007 18:28:44 GMT

er farinn og byrjaður að blogga á...

http://haudarson.blog.is

kv.
Happy

$Aƙ

Brot úr ævi geðsjúklingssins Happy !!!

Tue, 30 Jan 2007 21:57:17 GMT

Klukkan er 17.03 þriðjudaginn 30.janúar 2007

“djö... er ég að drepast í maganum, já ég er sammála þér ég held að Þjóðverjar klári þetta. Það er ekkert grín að vinna þá á heimavelli. Jæja ég er farinn heim að horfa á leikinn. Verð að horfa á þetta einn”

17.49

“hvað segir þú Óskar á að horfa á leikinn hér ? ok þú hefur það þá bara gott, ég horfi á þetta einn. Það er víst best að vera ekkert að bjóða öðru fólki upp á þessar geðsveiflur hvort eð er”

18.23

Úff ég hef ekkert étið, verð að þjóta út í Þín verslun. Fá mér eitthvað. Hvað á ég að kaupa, drífa sig það er að byrja leikur !!! Kex, súrmjólk og Höfðingja ostur !!! er það nú matarræði ??? Helli upp á kaffi. Úfff... hef ekki verið svona stressaður síðan... tja ég man bara ekki eftir að hafa verið svona stressaður (uuuuhhummm ertu búinn að gleyma flugferðum milli Bakka og Eyja ???) svona þú fockar ekkert í mér ég er hinn hlutinn af þér, þekki þig góurinn !!!

19.36

Váááá bíddu byrjaði fyrri hálfeikur ??? því líkur hraði !!! Erum yfir en mér líður alls ekki vel. Höfum enga stjórn á hraðanum og vörnin hræðileg. Mér líður eitthvað skringilega. Uuuuuuuuu... ég átti von á þessu... hálfleikur eigum eitt mark og ein æla komin í hús !!!

“blessaðu Pétur ég á ekki til orð, sit stjarfur hérna... já ég er einn. Kíkja á þig ??? er það nokkuð þorandi, ég er alls ekki húsum hæfur ??? Jæja þetta er að byrja, heyri í þér”

19.54

Ég vissi þetta, erum alveg að gera í brækurnar. Þetta er búið. Eigum ekki séns. Hvað eru þeir að gera þarna á bekknum. Skiptið um markmann. Hvað ertu að gera með Loga þarna inná ??? Dísús gerið eitthvað !!!

20.35

Alltaf sagt að Snorri væri toppmaður. Algjör snillingur hann Alfreð. Svei mér þá við vinnum þetta.

Framlenging... hef ekki hugmynd um hvað klukkan er...

Kominn til Péturs. Þoldi ekki að horfa á þetta einn !!! Var að hugsa um að láta eitthvað vaða í TV-ið. Get sjálfsagt ekki horft á svonalagað einn í framtíðinni. Get ekki hamið mig nema að vera með fólki.

“LOOOOGGGIIIIIIII !!! djöfulsins steik er þetta !!! afhverju róaði hann ekki bara ??? ansk... djöf.... helv... já ég veit krakkarnir, sorrý !!! oooohhh verðum að fá einhverjar tuðrur varðar”

“nnnnnnnneeeeeeeeeeiiiiiii hvað ertu að spá ??? afhverju spiluðum við ekki út tímann ???"

Þetta er búið..........................................

Takk fyrir túkall, leikir um 5-8 sæti.... MEIRIHÁTTAR !!!

Sjónvarpið eftir leik...

Tja sko ef Alexander hefði nú... “EF ??? EF ??? ertu ekki að grínast það er EKKERT EF Í ÍÞRÓTTUM” Ég þoli ekki þessa EF menn. Ef ég væri nú ríkur ? Ef ég ætti nú konu sem væri gullfalleg, eldaði alltaf góðan mat og tuðaði aldrei ??? hummm... væri nær að velta því Efi fyrir sér en þessu !!!

Jæja farinn. Búinn að gera upp HM !!! Endum í 6.sæti punktur og basta !!! Skúli minn nú getum við öll farið að fylgjast með Hniti í sjónvarpinu í staðinn, eða var það Badminton ? æ skiptir ekki máli...

Kveðja,

Happy Hauðar með tárum og trega.

Takk fyrir mig - Tusen takk - Danke Shön !!!

Tue, 23 Jan 2007 22:14:29 GMT

Ég þakka öllum kærlega fyrir mig á laugardaginn síðasta. Ég skemmti mér alla vega konunglega og fékk fullt af góðum flottum gjöfum... jibbbý :D Mamma og Pabbi eiga sko heiður skilið fyrir frábæra takta (mamma er greinilega mjög þolinmóð spyrjið bara Dúdda !!!). Ég kem nú reyndar ekki til með að hitta ykkur á næstunni. Ég hef ekki haft undan að svara símtölum frá hinum og þessum umbum eftir framistöðuna á laugardagkvöldið. Hugsa að ég endi í Graceland að skemmta túristum svona fyrst í stað og flytji mig svo yfir til Tokyo að kenna barsöngva ;)

ps. Atli þú ert ekki orðinn 30tugur enn svo við skulum bara sjá hvað ég dreg upp úr hinum fræga hatti þegar þar að kemur :klikk:

Kveðja,

HappyHauðar

af HM og öðru...

Thu, 18 Jan 2007 08:50:52 GMT

Helllú... Já nú er bara að líða að HM í handbolta. Það þýðir náttúrlega að ég spjalla við Guð almáttugan í gríð og erg. Spyr hann regluega hví hann sé að þjösnast á litlu þjóðinni í norðri, í stað þess að hefna sín Spánverjum fyrir heimsvaldastefnu sína í denn, Þjóðverjum fyrir WW2 eða Króötum fyrir Balkanstríðið !!! Kæru vinir ég kem ekki til með að vera í sambandi meðan á því stendur og biðst afstökunar fyrir fram (hver þarf heila þegar hann hefur upp pumpaða tuðru í höfðinu ???). Ég verð bara að viðurkenna að ég er nokkuð bjartsýnn á þessa blessuðu keppni. Held barasta að við komumst í 8 liða úrslit í þetta skiptið og jafnvel lengra. Eins gott þar sem við Óskar eigum bara fjóra stóla og það væri ægilegt að þurfa að fórna þeim í einhverju brjálæðiskastinu :evil: .
Áááááááfram Ísland !!!
Að öðru... það er fátt grátlegra en fólk í afneitun. Já um daginn sá einn allra sorglegasta sjónvarpsþátt sem gerður hefur verið... Sirkus Reykjavík !!! Þar er maður við stjórnvölin sem heitir Ásgeir Kolbeins uuuuuuuu... (ætli hann sé skildur Eyjólfi ???). Maðurinn er Michael Jackson okkar rauðhærðra. Ég meina Halló !!! Hann er búinn að vera "dökkhærður" síðan maður man fyrst eftir honum og ég hugsa að vinkonur mínar í Faketan færu hjá sér við hliðina á honum, svo mikið er brúnkukremið !!! Ég segi bara fuss og svei og ojjjjbarasta ullabjakkk !!!

Jæja svo hef ég ákveðiði að vera með mann dagsins þegar ég blogga...
Maður dagsins í dag er enginn annar en franska varnarbuffið og ofurtöffarinn...

Didier Dinart

jæja farinn að spilla framtíð æsku Hafnarfjarðar...

Happy út og suður.

ÁRIÐ !!!

Mon, 01 Jan 2007 13:17:02 GMT

Gleðilegt nýtt ár !!!

Ég vil bara þakka ykkur öllum kærlega fyrir árin sem eru liðin og vona að næstu verið jafn góð (enn betri) en þau sem eru liðin.

Kveðja á nýju ári,
Happy Hauðar

Gleðileg Jól

Mon, 25 Dec 2006 19:06:15 GMT

Hvað gaf guð Gáttaþef ???

Langt nef heheheeeheheheheheehe

Gleðileg jól öll sömul. Vonandi hafið þið það sem allra best um hátðirnar.

Kveðja,
Kiddi

Er til meðferð við innkaupafælni ?

Fri, 08 Dec 2006 08:24:30 GMT

...ég er tvístígandi, rölti fram og til baka. Loksins tek ég á mig rögg, set undir mig höfuðið og læt mig vaða. Hröð og óörug skref í takt við hjartað. Mig langar hreinlega til að kasta upp. Hvað ætli fólk segi ? "Eruð þið vissir um að þið sért á réttum stað ?"... Nei ég get þetta ekki lengur "Arnór komum okkur út strax !!!". Við röltum í hringi, hvað ætli klukkan sé ? Æ ég geri þetta bara seinna, eða sleppi þessu alveg. Nei drengur þú verður að klára þetta !!! Jæja ok... Í stressinu rekst ég utan í mæðulega frú púffff... Önnur kona nálgast. Hvað á ég að segja ? Hvernig ber ég mig að ? "Góðan daginn get ég aðstoðað ?"... "Ja ja mig ? Tja ég er sko að leita að svona samfesting á nýfætt barn. Sko hann er tveggja vikna"...

Ég verð að viðurkenna að verslun á ekkert sérstaklega við mig, ég á það til að gleyma algörlega hvað ég heiti og hvað ég átti að kaupa. Snýst í hringi og missi áttir. "Oooo þú hefðir átt að taka með þér innkaupalista" Er algeng hugsun í þessum aðstæðum. Aðstæðurnar versna svo til muna ef ég þarf að fara inn í búð sem ég er ekki vanur að versla í, eða ég hef lítið vit á því sem selt er þar. Ég fer helst ekki inn í Sáralind eða Hringlu nema í neyð og þá rétt fyrir jólin. Það er þá gert svona rétt til að tryggja að manni verði ekki sparkað úr fjölskyldunni fyrir pakkaleysi undir trénu. Sem sagt drengurinn er með bullandi "Innkaupafælni". Shopo-phobia af verstu gerð !!!

Annars er bara allt gott að frétta. Síðasta helgi var hin rólegasta. Var með matarboð á föstudagskvöldið. Óli litli Þór kom í mat ásamt Eyþóri, Jolla og svo náttúrlega Óskari og Önnu Guðrúni. Boðið var upp á pönnusteiktan humar í hvítlauks-hvítvínssósu og hvítlauksstungið læri í aðalrétt. Eftir þetta var nátúrlega engum hleypandi út með hvítlauks "stinkinn" kraumandi út úr sér. Svo við tókum okkur til og spiluðum Trivial (eða hvað það nú heitir) og fórum í Buzz. Það er skemmst frá því að segja að við spiluðum til 04.00 !!! og allt orðið brjálað. Á laugardaginn átti ég svo að mæta í jólahlaðborð Setbergsskóla, en þar sem ég þekkti ekki sálu, ákvað í staðinn að kíkja með Jóa á Óskar og Örnu. Já og viti menn Buzz var tekið með !!! Í stuttu máli sagt var ég kominn heim kl.05.15 !!! Já skrítið að maður sé maður einsamall þegar maður hangir í tölvuleikjum langt fram eftir kvöldum um helgar :haha: En mikið djö... er gaman í Buzz !!!

Kveðja,

Happy

Mánudagsspeki úúúú nú eruð þið hrædd !!!

Mon, 04 Dec 2006 20:06:38 GMT

Spurning 1
Ef þú vissir af óléttri konu sem að ætti 8 börn fyrir. Þrjú þeirra eru heyrnarlaus, tvö eru blind, eitt er fatlað og þriðja með sýfilis (sem er nb. kynsjúkdómur);
Myndirðu mæla með að hún færi í fóstureyðingu eða myndirðu ráðleggja henni að eiga barnið ???

Lestu næstu spurningu áður en þú "skrollar" niður og kíkir á svarið við þessari !!!

Spurning 2

Segjum að nú væru alþjóðakosningar og kjósa ætti nýjan leiðtoga heimsins...
Þitt atkvæði myndi skipta sköpum í kosningunni og þrír aðilar væru í framboði. Hér koma staðreyndir um þessa þrjá aðila...

Frambjóðandi A

Er í samkruli við spillta stjórnmálamenn og ráðfærir sig við stjörnufræðinga. Hann hefur átt tvær hjákonur, hann keðjureykir og drekkur 10 Martini drykki á dag.

Frambjóðandi B

Hefur verið rekinn úr starfi tvisvar, sefur til hádegis. Notaði ópíum í framhaldsskóla og drekkur hálfa viskýflösku hverju kvöldi.

Frambjóðandi C

Hann er verðlaunuð stríðshetja og granmetisæta . Hann reykir ekki, fær sér bjór stöku sinnum og hefur aldrei staðið í framhjáhaldi.

Hvern af þessum myndir þú kjósa ???

Frambjóðandi A er Fanklin D. Roosevelt

Frambjóðandi B er Winston Churchill

Frambjóðandi C er Adolf Hitler !!!

Og ef þú ert að velta fyrir þér að senda konuna í spurningu eitt í fóstureyðingu þá varstu að drepa Ludwig Van Beethoven. Áhugavert ekki satt ? Fær mann til að hugsa um að vera ekki of dómharður á fólk.

Muniði það; Það voru óreyndir byrjendur sem byggðu Örkina hans Nóa en atvinnumenn sem smíðuðu Titanic !!!

Ég kaus alla vega Adolf Hitler og steindrap Beethoven :$ en þú ?

Kveðja,

Happy

Kominn tími til að hitast og SCRAPPA sig í jólastuð !!!

Thu, 23 Nov 2006 17:40:02 GMT

Ok ég veit að það er ýmislegt gert fyrir jólin og þá sérstaklega innan veggja skólakerfisins. En ég rak augun í auglýsingu og ég hef ekki enn áttað mig á um hvað hún snýst...

"Sælir scrapparar og aðrir föndrarar.
Við ætlum að scrappa laugardaginn 25.nóvembern kl 11.00 í stofu 401".

Hvað í helv... er að scrappa ???

Ég setti náttlega upp rannsóknargleraugun og ætlaði mér að mæta í dulargerfi (fer nú ekki að láta fréttast af mér á jólaföndri !!!) og afhjúpa leyndardóminn. Enn og aftur helv... ég kemst ekki. Mín ástsæla móðir tók nefnilega upp á að fæðast fyrir 49 árum og 363 dögum síðan og ætlar því að halda upp á herlegheitin um helgina. Fjölskyldan fer saman í bústaði og ætlar að halda heljarinnar partý (úff... amma og móðursystur í glasi úúúúúú...). Frumburðurinn var náttúrlega látinn hafa hlutverk. Já ég á að sjá um morðgátuleik fyrir fjölskylduna. Þar eiga meðlimir að komast að því hver framdi glæpinn, með hverju og af hvaða ástæðu (verst að ég gat ekki bara eitrað fyrir öllu gamlasettinu á einu bretti :haha: ). Ég leik rannsóknarlögguna, get þar með ekki verið morðinginn (enda með geilsabaug ;) ), né heldur að ég leysi gátuna, ég sé nefnilega um að leikurinn gangi rétt fyrir sig !!! Alla vega lítur þetta út fyrir að vera skemmtilegur leikur (ef ég klúðra þessu ekki) og þeir sem hafa áhuga á að kynna sér svona lagað geta kíkt á www.host-party.com og tékkað á þessu.

jæja þá er komið að því að hakka í sig aðra plötu haustmánaða... Platan (sem ég man ekkert hvað heitir) er með hljómsveitinni Brazillian girls, band sem kom hér á Icelandic Airwaves 2006 og þótti víst standa sig vel. Ég verð að viðurkenna að þetta "jazzsýrupopp" sem þessi ágæta hljómsveit leikur er fullkomlega tilvalin í jólageðveikinni ef þið viljið enda í meðferð hjá honum Magnúsi vini mínum (fyrir þá sem ekki vita þá er hann geðlæknir !!!). Já þessi plata er vægast sagt frekar spes og ekki fyrir alla. Mæli með því að þið látið hana vera ef það er saga hjartaáfalla í ykkar fjölskyldu og hlustið frekar bara á "Allt í himnalagi" með Regínu Ósk.

ath það er bara ein télling í þessu bandi !!!

Að lokum verð ég, reyndar tregur til, að viðurkenna að ég er að komast í svona hálf gert jóla skap. púfff... trúi því ekki að ég sé að segja þetta, en það er bara svo gaman í desember. Maður hittir vini og vandamenn, kíkir á menningarlega viðburði, tekur jólageðveikina í Hringlunni og Sáralind, fær sér julebrigg með skemmtilegu fólki og lætur sér líða vel í kósíheitum heima í stofu. Svo er nú ekki annað hægt en að komast í létt jólaskap þegar maður býr með Imeldu Óskari Marcos. Ég meina drengurinn kaupir meira af skóm á mánuði en ég hef gert á síðustu árum !!! Það eru bara jól hjá stráksa alla daga, hann kom heim með nesti (jólabjór) og nýja skó í dag og er á leið til Barcelona í fyrramálið (dúglegur strákur þar á ferð) Hver sagði að fólk tæki jólin of alvarlega og skreitti of snemma ??? hummm... ekki ég !!!

Kveðja,

HappyHaudar.

Til hamingju Pétur og Brynhildur :-)

Wed, 15 Nov 2006 18:54:04 GMT

Já það eru sko aldeilis jákvæðir dagar í Bökkunum upp á síðkastið. Pétur og Brynhildur eignuðust strák í dag. Það er aldeilis ágætt að kominn sé á sjónarsviðið strákur sem hægt er að spilla strax frá upphafi og innræta góða siði, eins og að halda með Man Utd og horfa á handbolta.

Aðrar gleðifréttir eru að kominn er fram á sjónarsviðið nýr og endurbættur Scooter. Þessi er að vísu ekki þýskur eins og fyrirmyndin, heldur sænskur og kallar sig Basshunter. Það er ekki laust við að um mig hafi farið ánægjustraumur þegar kappinn fór algjörlega á kostum í Kastljósinu í gær. Ég ræð mér hreinlega ekki fyrir kæti vvvvvvvvíííííí...

Úr einu í annað... ég hef haft það að reglu í byrjun vetrar að “detta” inn í Skífuna Smáralind og kíkja á Árna bró. Þá kaupi ég mér einn disk sem Árni mælir með !!! Ég ætla á næstunni að “hakka” þessa diska í mig og tjá mig um þá !!!

Fyrsti diskurinn sem verður fyrir barðinu á mér er hugljúfur diskur með manni að nafni Ray Lamontagne og heitir Trouble . Svo ég sé nú stuttorður um þennan disk... TÆR SNILD... jamm diskur sem enginn íbúi á höfuðborgarsvæðinu, sem hefur setið fastur í föstudagstraffík á Reykjanesbrautinni má láta fram hjá sér fara....

Kveðja,

Happy Hauðar

Jesús Pétur

Mon, 13 Nov 2006 17:18:55 GMT

Já tíminn líður hratt á gerfihnattaöld, hraðar... Rak augun í það áðan að það eru bara 66 dagar í að ég verð þrítugur. BIG 3 Ó !!! Verð að viðurkenna að það fór um mig léttur hrollur þegar ég fór yfir hvað ég stefndi á að vera búinn að gera þegar ég horfði til þessa dags fyrir rétt um 10 árum síðan. Það var ekki laust við að strákurinn væri farinn að fella tár og svitna við tilhugsunina. Þegar ég svo áttaði mig á að ég var kominn í létta fósturstellingu á miðju stofugólfinu sá ég að þetta gengi ekki til lengdar !!! Nei nú var sko kominn tími til að láta verkin tala, rífa sig upp og skrá nafn sitt á spjöld sögu okkar ágætu þjóðar. Já horfa bjartur fram á veginn og setja sér engin plön fyrir framtíðina önnur en að lifa lífinu með hamingju í hjarta. Bjóða fram hjálp sína hvar og hvenær sem er, heimsækja ömmu oftar, fara í kirkju á sunnudögum, passa börn ætingja og vina, já taka á sig aðeins meiri ábyrgð en áður !!! Í miðju bjartsýniskastinu áttaði ég mig svo á því að ég hef gert heilmikið á minni stuttu lífsleið, búið hér og þar um landið, kynnst fullt af snildarfólki og eignast mjög góða vini. Og þar sem maður getur ekki beðið um mikið meira held ég að maður eigi bara að vera happy og njóta þess að vera til. Ég vil svo bara minna alla á að taka helgina 19. til 21.jan frá !!! Ég vona að ég þurfi ekki að útskýra hvað stendur til !!!

Endum þetta svo á visku sem kemur beint frá Ömmu gömlu (held reyndar að henni sé stolið úr góðri bók en það er aukaatriði).

"Látum ekki þá hluti sem hafa farið aflaga í lífinu buga okkur, heldur tökum stefnuna á morgundaginn. Tökum eitt skref í einu og munum að við getum ekki bjargað öllu og öllum sjálf".

jamm mikil speki þar á ferð :D

Kveðja,

Happy Hauðar

Óskar afmælisbarn Atli Rúnarsson

Mon, 06 Nov 2006 16:48:06 GMT

Já það er aldeilis afmæli í dag !!! Óskar kallinn bara orðinn 25 ára !!! Vúúússsss... hér hefði komið mjög svo hæðið komment um að hann væri orðinn gamall og allt það en þar sem það gæti komið eins og fljúgandi Búmerang í hausinn á mér, þá sleppum við því í þetta skiptið. Ég ætla því bara að nota tækifærið og óskar drengnum til hamingju með daginn.

kv.

Haudarson

Fimleikaþjálfarar...

Sat, 04 Nov 2006 10:49:37 GMT

Mikil umræða hefur átt sér stað síðustu daga um þá hörku sem fimleikaþjálfarar ættaðir úr austurblokkinni beita við þjálfun á litlum saklausum skrokkum í Hafnarfirði. Hauðarson hefur verið að velta því fyrir sér hvort það sé ekki hægt að finna hentugra starfsumhverfi fyrir þá félaga Cezar Stoica og Dzmitry Varonin. Það er auðvitað ekki hægt að eyða starfskröftum svona hæfra þjálfar í að hrekkja saklausar ungar stúlkur og fá ekki einu sinni starfsfrið ofan á allt saman. En ég held að ég sé með lausnina... Geta stelpurnar í Heilsuakademinunni (Íris Huld og co.) ekki ráðið þá í að standa yfir þessum blessuðu herþjálfunarbúðum ??? Þá yrði sko tekið á því (ekki að ég sé að gefa það í skin að svo sé ekki fyrir !!!). En ég er ekki fá því að þar myndu þeir sko trekkja að. "Cezar og Dzmitry öskra af þér kílóin" dæmi um frasa sem myndu fljúga væru: "Vatt jú dú, jú kreitsí ???", "Jú dónt teik pása náv jú stúbitt Jú slóv. Æ teik 1 koffí and sígarett blet and jú héér ???" "helllú æ Cezar best þjálfari Íslandi, tú bara eymingi og ég gera tig ad stóra sterka fola á sex vikar, ég drekka kaffi og tú hlaupar". Svo væri hægt að nota Boris gamla í barnapössun og fá hann til að segja sögur af gömlu stórkostlegu Sovéttríkjunum (CCCP)... Nú ef þær akademiu stúlkur vilja ekkert með þá hafa getum við alltaf sent þá til Geira á Goldfinger, enda hefur hann alltaf verið boðinn og búinn þegar þrengir að erlendum íþróttamönnum á Íslandi...

ps. fór á Borat í gær og er enn að ná mér í kokinu eftir hláturskastið sem ég var í...

Kv.

Hauðarson

Vaknaður !!!

Sat, 04 Nov 2006 10:13:43 GMT

já það er sko bara ekkert annað. Strákurinn er vaknaður til lífsins á ný. Nú er stefnan að blogga einu sinni á dag og slá ekkert af. Tjá sig um þjóðlífsumræðurnar, íþróttir og svo náttúrlega blessaða feministana.

Er að drukkna í vinnu og held að ég sé ekki að plata, þegar ég segist vera upptekinn við vinnu þegar ég svara ekki síma (er reyndar farinn að læra að slökkva bara á hljóðinu og gleyma helv... úti í bíl). Hver einasta helgi er bókuð undir handboltaleiki. Ég hélt ég væri að róa mig aðeins í leikjafjölda eftir að hafa fært mig úr karlaboltanum í unglingana, en það var sko einn STÓR misskilningur !!! Ég á ekki nema 42 leiki í Íslandsmóti + bikar. Ekki að ég sé of góður til að hafa aðeins fyrir lífinu, ég var nú bara að vonast til að hafa smá tíma til að fara í sumarbústað eða kíkja í Eyjar svona eina og eina helgi. Ætla reyndar í bústað helgina 24. til 26.nóv með fjölskyldunni. Mín ástsæla móðir verður fimmtug þann 25. og ég var búinn að lofa henni (og sjálfum mér) að ég yrði nú á staðnum við það tækifæri (þó það nú væri). Talandi um afmæli... Óskar Atli verður 25 ára mánudaginn 6.nóv. Held að stráksi ætli að halda upp á ósköpin um næstu helgi (en það er hans höfuðverkur). Vildi bara minna fólk á hann og skora hér með á alla sem þekkja hann að senda honum svona eins og 10-15 sms á mánudaginn og óska honum til hamingju :D

Kveðja,

Hauðarson

Afmælisbarn dagsins.

Tue, 26 Sep 2006 10:18:52 GMT

Já það er enginn annar en stórfjölskyldumaðurinn úr Dvergabakkanum og góður vinur minn Pétur Helgason, sem á afmæli í dag. Já strákurinn er bara orðinn 28 ára gamall. Pétri er margt til lista lagt og kann fátt skemmtilegra en að murka líftóruna úr viltum saklausum dýrum í náttúru Íslands. Laxar, gæsir, rjúpur og hreindýr eru meðal tegunda sem Pétur er með á samviskunni, enda mikill matmaður hér á ferð (hummm skrítið að hann sé vinur minn !!!). Alla vega til hamingju með daginn Pétur minn og mundu að lífið verður aldrei betra en maður ákveður sjálfur 8) .

Kveðja,

HappyHauðar (ég sagði ykkur að það yrði ekki langt í næsta blogg ;) ).